Մաթեմատիկան մարդկային գիտությունների մի բաժին է, որը զբաղվում է այնպիսի հասկացությունների ուսումնասիրությամբ, ինչպիսիսք են կառուցվածքը, քանակը, հարաբերությունը և այլն։ Մաթեմատիկայի զարգացումը սկսվեց գծերի, մակերևույթների հաշվման ու չափման արվեստների գործնական ձևավորմամբ։
Շուտով մաթեմատիկան լայն տարածում ստացավ ամբողջ աշխարհում: Զարգացման գլխավոր վայրերն էին Հին Եգիպտոսը, Հին Հունաստանը ու Հին Չինաստանը:
Թվերը Հին Չինաստանում գրվում էին հատուկ հիերոգլիֆներով, որոնք հայտնվել էին մ.թ.ա. 2-րդ հազարամյակում և նրանց վերջնական տեսքը կազմվել է մ.թ.ա. 3-րդ հազարամյակում։ Այդ հիերոգլիֆներն օգտագործվում են նաև ներկայում: Բազմապատկման աղյուսյակը հիշելու համար գույություն ուներ հատուկ երգ, որը աշակերտները պետք է սովորեին անգիր։ Չինացիները զարգացած էին և նրանց շատ բան էր հայտնի, այդ թվում՝ հանրահաշվի ամբողջ հիմքը, կոտորակների հետ գործողությունները, բացասական թվերը, հիմնական պատկերների մակերեսները և ծավալները, Պյութագորասի թեորեմը և պյութագորյան եռյակների ընտրության ալգորիթմը, քառակուսային հավասարումների լուծման եղանակները և այլն:
Մաթեմատիկան մեծ նշանակություն ունի նաև մեթոդաբանության, փիլիսոփայության, ֆիզիկայի, քիմիայի, աստղագիտության, սոցիոլոգիայի, տեխնոլոգիայի և բազում այլ գիտությունների զարգացման գործում: